Алты жатақхана салынады

- Мен аудан тұрғынымын, ұлым Атыраудағы кәсіптік-техникалық лицейге оқуға түскісі келеді. Жатақхана жағдайы қалай болар екен?

Телефон арқылы

Таяуда ғана өткен облыстық білім беру басқармасының алқасында осы жөнінде айтылған болатын.2014-2015 жылдары Атырау облысында облыстағы 6 оқу орындарының, соның ішінде 5 кәсіптік-техникалық колледждер жанынан жатақханалар салу жоспарланған. Бүгінде облыста 24 колледж – 18 мемлекеттік және 6 жеке колледждер жұмыс істеп, 19210 адам кәсіптік-техникалық білім алуда. Олардың шамамен 65 пайызы – аудандардан келген оқушылар.

- Бүгінде жатақханамен қамтылу 10 пайыздай құрайды, сондықтан оларды салу басымды бағыт боп табылады. Облысымызға білім және ғылым министрлігі қолдау көрсетеміз деп уәде етті. Ақпанда мәслихат шешімімен 6 жатақхананы салуға жобалау-сметалық құжаттама жасауға  қаржылар бөлінді, - деді алқа отырысында облыс әкімінің орынбасары Шыңғыс МҰҚАН.

«Д. Нұрпейісова атындағы халықтық музыка академиясы» Атырау музыка колледжі, аграрлық-техникалық колледж, көлік және коммуникациялар колледжі, индустриалдық колледж, энергетика және құрылыс колледжі, сонымен қатар қазақ-түрік лицейі үшін жатақханалар салу жоспарланып отыр.