Лицензиялық өнім орнатылуы тиіс

– Менің компьютерлер жөндеу қызметін көрсететін ЖК-ым бар, сонымен қатар Windows операциялық жүйелер орнатумен де айналысқым келеді. Мұндай қызметтер көрсетуге құқылымын ба? Маған өндірушіден қандай да болмасын рұқсат қажет пе?

azh.kz сайтынан

Сұраққа Атырау облыстық Әділет департаментінің авторлық құқықты қорғау бөлімі бастығының міндетін атқарушы Ернар ТӨРЕХАН жауап берді:

– Кәсіпкердің ең алдымен Windows ОЖ орнатуға «Microsoft» корпорациясымен немесе оның өнімдерін коммерциялық мақсатта пайдалану құқығын иеленушілермен келісімі болуы тиіс. Бұл келісімнің басты шарттарының бірі – кәсіпкер тек лицензиялық бағдарламалық қамтуды ғана орнатуға міндетті. Бір компьютерге бір лицензиялық диск немесе корпоративтік клиенттер үшін бірнеше компьютерге активтендіруге лицензиялық кілт болуы тиіс. Мұның бәрі келісімде ескертіледі.