Атырау, 19 маусым 12:29
Кешке ашық+27, түнде +23
ҚР Ұлттық банкінің валюта бағамы: $ 383.69  € 429.08  P 5.97

Бізге де бір қарашы

7 ақпан 2013 00:00

ZhasCamp бейресми конференциясына қатысушы жастар ұйымдарының желісі ҚР БҒМ Жастар ісі жөніндегі комитетке 2020 жылға дейінгі Жастар  саясаты тұжырымдамасының жобасына енгізген 120-ға жуық ұсыныстары мен  түзетулерін ұсынды.

- Тұжырымдамада жастар саясатын жоспарлау мен жүзеге асыруда жастар ұйымдарын қатыстыру бойынша мемлекеттің жоспарлары жазылмаған, қаржыландыруда ашықтық жоқ, жастардың ҮЕҰ ішінен өкілетті және кеңестік органдар құру қарастырылмаған, - деп атап өтті конференцияға қатысушы Атырау қаласының өкілі, «Қазақстанның жаңа ұрпағы» ҚБ-нің төрағасы Ұлықбек ТІНӘЛИЕВ. – Біз жастар саясатын басқару үдерісіне жастарды қатыстыру дұрыс болады деп ойлаймыз. Ал мұнда Тұжырымдама жастарды дамытуға емес, пайдалануға бағытталған сияқты сезімде боласың. Біз нақты қойылған мақсаттар мен міндеттерді – 5 немесе 8 жылдан кейін жастар қандай болуы керектігін көргіміз келеді, сондай-ақ, қандай бағыттармен және қандай қарқынмен алға қарай жылжуымыз керек екенін де білгіміз келеді, - деп сөзін нақтылады Ұлықбек.

Тұжырымдаманы талдау барысында жастар құжатта ең көп қолданылған сөздерді есептеп шығарды: «қамтамасыз ету» (27 рет), «мемлекет міндетті» (23), «жастар міндетті» (22), «құқық» (22), сондай-ақ, ҚР Президенті Н.Ә. Назарбаевтың дәйексөздері мен атқарған еңбектері (20). Құжатта сирек қолданылған сөздер: «шараларды жүзеге асыру» (2), «демократия» (2), «күш салу» (2), «ықпал ету» (2), «бақылау» (1).

Барлық түзетулер мен ұсыныстарды жастар ҚР БҒМ Жастар ісі жөніндегі комитетіне, білім және ғылым вице-министріне, ҚР Парламенті Мәжілісінің депутаттары Дариға Назарбаеваға, Мұхтар Тінікеевке және Мейрам Бегентаевқа жіберді. Құжат ағымдағы жылдың бірінші жарты жылдығында қабылданады деп күтілуде.

Тамара СУХОМЛИНОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1022 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4