Қайта ресімделмейді

– Мен 53 жасымда көпбалалы ана ретінде зейнеткерлікке шықтым. Жалпы жұмыс өтілім – 20 жыл. Биыл 58-ге толдым. Жасыма байланысты зейнеткерлікті қайта ресімдей алам ба?

Телефон арқылы

Сұраққа еңбек және халықты әлеуметтік қорғау департаментінің бас маманы Құрманай ҚАЛИЕВА жауап берді:

– ҚР-да зейнетақымен қамсыздандыру туралы заңда зейнетақыны қайта есептеу қарастырылмаған. Демек, сіз жасыңызға байланысты зейнетақыны қайта ресімдей алмайсыз деген сөз. Өйткені, ол бір рет қана тағайындалады. 53 жасыңызда көпбалалы ана ретінде зейнеткерлікке шыққан кезде, сізге жасыңыз бойынша зейнетақы толықтай көлемде тағайындалған болатын.