Емханалар есеп айырысудың жаңа жүйесіне көшеді

Жаңа келген жылан жылынан бастап Қазақстанда медициналық емханалар көрсетілген қызметтер үшін төлем жасаудың жаңа жүйесіне көшпек. Кеше Орталық коммуникациялар қызметінде өткен брифинг барысында Денсаулық сақтау вице-министрі Ерік Байжүнісов жаңа жүйенің жай-жапсарымен таныстырды.

Жаңа төлем жүйесі медициналық кө­мек­ті жетілдіру мақсатында һәм Қазақстан­ның медициналық емханаларында ем-дом­дардың қолданыстағы тарифтерін халық­аралық тарифтерге сәйкестендіруге бағытталады. «Ағымдағы жылы біз төлем жасаудың жаңа тетігіне ауысамыз. Осы ретте шетелдік емханаларда емделудің құ­нына тең болатын жаңа тарифті негізге аламыз және отандық емханаларға сондай операциялар үшін аталған тарифтер бо­йын­ша төлем жасаймыз. Бұл шара қазақ­стандық дәрігерлерді тұрғындарға жоғары білікті көмек көрсетуге ынталан­дыру үшін қабылдануда», – дейді Ерік Байжүнісов мырза. Оның сөзіне қарағанда, жоғары тех­нологиялық қызметтер көрсетуге отан­дық емханалардың да әлеуеттері жеткілікті тәрізді. Мәселен, бекітілген тізбеге сәйкес 2012 жылы бұған дейінгі жағдай бойынша шетелде емделуі тиіс 99 науқас отандық емханаларда емделген. Атап айтқанда, отандық емханаларда бүй­рек ауыстыру жөніндегі – 50 операция, жү­рек ауыстырып салу бойынша – 1 опе­рация, үлкендердің жілік майын транс­­п­лан­та­циялау бойынша – 22 опе­рация, сондай-ақ балаларға да осындай сегіз операция жасалған. Егер бұрындары кардиохирургиялық операция­лар­ға мұқтаж науқастар шетелге көбірек жі­берілсе, былтырдың өзінде елімізде жү­рек­ке ашық 1,5 мыңнан астам операция жасалды, оның ішінде 87 ота бірегей опе­ра­циялардың қатарына жатады. Сон­дық­тан да, шетелдерде емделуге мұқтаж­дар­дың кезегін азайту мақсатында Ұлттық медициналық орталығы секілді жұмыс орга­ны құрылып, орталық шетелдік мед­и­циналық мекемелермен телемедициналық консультациялар өткізуге көшкен. «Қазір біз шетелдің емханаларына емделу бойын­ша тек сегіз ауру түрлері бойынша ғана жі­беріп жатырмыз. Ал шетелде емделу үшін есепте тұрған сол 161 пациенттің 86 па­йыз­ға жуығы ағзаны транспартациялау қа­жеттігіне байланысты болып отыр», – дейді ви­це-министр. Жалпы, 2013 жылы науқас­тарды шет мемлекеттерде емдету үшін бюд­жеттен 1 млрд теңге қарастырылған екен.

«Шындығында, біз бюджеттен бө­ліне­тін қаражаттың ауқымды бөлігін шетелдегі клиникаларға жолдаған болып отырмыз. Соны зерделей келе, біз жоғары білікті ем-домдарды өзіміздің мекемелерімізде істеуге болатынына көз жеткізіп отырмыз. Ол үшін мамандарды ынталандыра түсеміз. Тариф те шетелдегі клиникаларға сәйкесе­ді», – деді Ерік Байжүнісов. Оның сөзіне қа­рағанда, шетелдерде емдету үшін рес­публика өңірлерінен келіп түскен өтініштер Ұлттық ғылыми-медициналық орталықта сараланып, жұмыс органында ондай өті­ніш­тер талқыланады. Жұмыс органы ар­қылы өтініш білдірілген науқастармен әңгі­ме жүргізіліп, оларға еліміздегі ең жоғары білікті мамандардың қызметі, мүмкіндіктері ұсынылатын болады. «Жалпы, адам ден­сау­лығының жақсы болуы, ауру-сырқауға ұшы­рамаудың 50 пайыз әсері  оның са­лауат­ты өмір салтына қатысты. Денсаулық сақтау жүйесіне тек 10 пайызы ғана тиесілі. Сон­дықтан да барлық проблеманы тек денсаулық сақтау жүйесі арқылы шешу мүм­кін емес», – деп түйіндеді Ерік Бай­жү­нісов мырза.

Министрлік мәліметтерінен:

Денсаулық сақтау вице-министрінің деректеріне сүйенсек, бір жылдың ішінде еліміздегі 2 млн 700 мыңнан астам адам стационарда ем-дом қабылдайды. Ал күн сайын денсаулық сақтау жүйесінің стационарларында 7 мың 540 адам ем ала­ды. Жыл сайын ауруханаларда 713 мыңнан 600-ден астам ауруға ота жа­салса, күн сайын стационарларда 1 850 ота жасалады. Жыл сайын денсаулық сақ­тау жүйесінің перзентханаларында орташа алғанда 277 мың 654 әйел босанады. Яғни әр күн сайын еліміздің перзентханаларында орташа алғанда 1 мың 35 әйел бо­санады. Сондай-ақ, бір жыл ішінде республика жұртшылығы жедел жәрдем кө­лі­гін шамамен 6 млн 175 мың рет шақыртатын көрінеді. Яғни әр күн сайын Қа­зақ­стан халқы тарапынан  жедел жәрдем 16 мың 920 рет шақыртылады. Бір жыл­да емханаларда орташа алғанда 110 млн 989 мың адамды қабылдайды. Ал ем­ханалар бір күнде қабылдайтын республика халқының саны 417 мың 880 адам­ға дейін жетеді. Осының өзі денсаулық сақтау жүйесіндегі жұмыс ауқымын аңғартса керек.

Дереккөз: alashainasy.kz