Алматыда модульді ауруханаға бөлінген қаражатты жымқыру ісі бойынша тергеу жүріп жатыр

Алматыда модульді жұқпалы аурулар ауруханасына бөлінген қаражатты жымқыру ісі бойынша сотқа дейінгі тергеу жүріп жатыр, - деп хабарлайды Tengrinews.kz.

Бұл туралы Сыбайлас жемқорлыққа қарсы қызмет өкілдері ақпарат таратты.

"Департамент 2021 жылдың 16 қаңтарында Қылмыстық кодекстің 189-бабы 4-бөлігінің 2-тармағы бойынша Алматыда коронавирус инфекциясын азайту шараларын күшейту үшін 280 төсек-орындық модульді жұқпалы аурулар ауруханасын салу кезінде бюджет қаражатын жымқыру дерегі бойынша №217500131000008 сотқа дейінгі тергеуді бастады. Тергеу амалдары жүргізіліп жатыр. Сотқа дейін іске қатысты мәліметтерді жария етуге болмайды", - делінген хабарламада.