Ұйымдасқан қылмыстық топ мемлекетке 700 миллион теңгеден астам шығын келтірген

Қарағандыда ұйымдасқан қылмыстық топ мүшелері мемлекетке 700 миллион теңгеден астам шығын келтірді, деп хабарлайды zakon.kz.

Жүргізілген жедел-іздестіру іс-шараларының нәтижесінде 2016-2020 жылдар аралығында бір топ адамның Қарағанды аумағында жалған шот-фактуралар беру бойынша заңсыз қызметпен айналысқаны анықталды. Тергеу барысында 7 адамнан тұратын топ жалған келісімдер жасасу және шығындарды жасанды түрде көбейту арқылы салық төлеуден жалтаруға адал емес салық төлеуші-контрагенттерге көмектесу мақсатында 13 кәсіпорын құрғаны анықталды, - деп хабарлады ҚР Қаржы министрлігінің ҚМК баспасөз қызметі.

Бұл адамдардың қылмыстық іс-әрекеттерінен келтірілген жалпы шығын 700 миллион теңгеден асты.

7 күдікті ешқайда кетпеу және дұрыс жүріс-тұрыс туралы қолхатпен уақытша босатылды, ал бір күдіктіге қатысты үй қамаққа алу түрінде бұлтартпау шарасы тағайындалды.

2020 жылы 30 желтоқсанда қылмыстық іс сотқа бекітілген айыптау қорытындысымен жолданды.