Доллардың ресми бағамы өсті

Доллар қымбаттады. Ұлттық банк 12 қаңтардағы доллар бағамын атады, - деп хабарлайды Tengrinews.kz.

Америка валютасының ресми бағамы сейсенбіде 419,13 теңгеге тең болады. Айта кетейік, 9-11 қаңтарда доллардың теңгеге шаққандағы бағамы 418,96 болған. 

KASE биржасындағы кешкі сауда қорытындысы бойынша, доллардың орташа бағамы 419,18 теңгеге жетіп, бір күнде 0,20 теңгеге қымбаттады.

Kurs.kz деректері бойынша, қазіргі таңда Алматының айырбас пункттерінде америкалық доллар орташа есеппен 421,00 теңгеге сатылып жатыр, ал сатып алу бағасы - 419,51 теңге.

Ал Нұр-Сұлтанның ақша айырбастау пункттерінде доллар 420,67 теңгеден сатылып, 419,52 теңгеге сатып алынып жатыр.