2021 жылдың 11 қаңтарынан бастап істен шыққан көлік құралдарын қайта өңдеуге қабылдау бағдарламасы жалғасын табады, деп хабарлайды ӨКМ Операторы баспасөз қызметі.
Айта кету керек 11-ші қаңтардан бастап Қарағанды, Қызылорда, Павлодар, Семей, Талдықорған, Тараз, Өскемен және Шымкент қалаларындағы қабылдау бекеттері жұмысын бастайды.
Ал 18-ші қаңтардан бастап Ақтау, Ақтөбе, Атырау, Көкшетау, Қостанай, Нұр-Сұлтан, Петропавл және Орал қалаларындағы қабылдау бекеттері жұмыс істейді.
1 ақпаннан бастап Алматы мен Шымкент қаласындағы екінші қабылдау бекеті өз жұмысын жалғастыратын болады.
2021 жылы АЕК мөлшерінің өзгеруіне байланысты толық жиынтықтағы ескі көлікті тапсырғандарға берілетін ақшалай өтемақы ұлғаяды:
– М1 санаты -210 024 тг;
– М2,N1, N2 санаты - 420 048 тг;
– м3, N3 санаты– 630 072 тг.
Көлік қабылдау бекеттерінің мекен-жайлары recycle.kz сайтында көрсетілген.
Ескі көліктері жоюға тапсырудың тәртібі туралы ақпарат «Қалдықтарды басқару», «Ескі көліктерді қабылдау» бөлімдерінде көрсетілген. Сондай-ақ, тозыға жеткен көлік құралдарын тапсыру бойынша кеңес алу үшін төмендегі нөмірге хабарласа аласыз +7 707 772 79 62. Істен шыққан ауылшарушылық техникасын кәдеге жаратуға қабылдау туралы ақпарат қосымша хабарланатын болады.