Қазақстанда коронавирустан ауырғандар саны көп болатын кезең айтылды

Қазақстанда коронавирустан ауырғандар саны көп болатын кезең келесі жылдың басында болуы мүмкін. Бұл туралы бас мемлекеттік санитар дәрігер Ерлан Қиясов айтты, - деп хабарлайды "Астана" телеарнасы. 

"Жағдай оптимистік болжам бойынша дамып келе жатқанын айта аламын. Жағдай жақсарса не қиындай түссе, пессимистік болжам бойынша, ауырғандар саны қаңтар-ақпан айларында көп болады", - деді Қиясов.  

Телеарна мәліметінше, республика бойынша шеттен келген адамдардан коронавирус анықталу дерегі азайған. Денсаулық сақтау министрлігінің мәліметінше, Солтүстік Қазақстан мен Павлодар облыстарындағы жағдай әлі де қиын. Қалған өңірлер "сары аймаққа" кірді.