Тоқаев: Ашық әрі әділ сайлау өткізуге ниеттіміз

Қазақстан Президенті Қасым-Жомарт Тоқаев Мәжіліс пен мәслихатта өтетін алдағы сайлау туралы айтты, - деп хабарлайды Tengrinews.kz тілшісі.

"Қазақстанда кезекті электоралды процесс басталды. 2021 жылдың 10 қаңтарына Парламенттің төменгі палатасы мен жергілікті органдардың депутаттарын сайлау белгіленді. Сайлау конституциялық мерзімде өтеді. 
Биыл біз теңдессіз демократиялық реформаларды іске асырдық. Ол реформалар көппартиялықты және саяси бәсекелестікті дамытуға, азаматтық белсенділікті арттыруға бағытталған. (...) Біз ашық әрі әділ сайлау өткізуге ниеттіміз. Әріптестеріміздің қолдауына үміттенеміз.(...) ", - деді Тоқаев онлайн режимде өтіп жатқан Ұжымдық қауіпсіздік туралы шарт ұйымының (ҰҚШҰ) саммитінде.

Мәжіліс пен мәслихат сайлауы 2021 жылдың 10 қаңтарында өтеді.