Атырау, 16 қаңтар 07:44
 ашық В Атырау -1
$ 420.71
€ 516.13
₽ 5.65

Ақтөбеде мұғалімдерді балағаттаған әйел жауапқа тартылды

1 489 рет қаралды

Фото: ашық дереккөзден


Облыстық білім саласындағы сапаны қамтамасыз ету департаментіне Қарғалы орта мектебінің бірнеше мұғалімі арызданған. Олардың айтуынша, ата-аналардың бірі педагогтарды балағаттап, абыройларына нұқсан келер сөз айтқан, деп хабарлайды Azattyq Rýhy тілшісі 24.kz-ке сілтеме жасап.

Әйел сол мектепте оқитын баласына жоғары баға қоюды да талап етіпті. Құзырлы органдары жүргізген тексерістен кейін болған жағдай расталды. Соған орай әкімшілік іс қозғалып, жауапты азамат айыппұл төлеуге міндеттелді. 

«Бізге түскен материалдардың барлығын мұқият тексеріп, аталған деректің орын алғандығына көзіміз жетті. Содан соң Әкімшілік кодекстің 409-бабына сәйкес іс қозғап, ол кісіге 30 айлық есептік көрсеткіш көлемінде, 80 мың теңгеге жуық айыппұл салынды», - дейді облыстық Білім саласында сапаны қамтамасыз ету департаментінің жетекшісі Бұлбұл Күзембаева.
27 қараша 2020, 15:20

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.