Атырау, 17 қаңтар 23:54
 бұлыңғыр болады В Атырау -2
$ 420.71
€ 516.13
₽ 5.65

Елордалық әйел ер адам болып киініп, туыстарының әшекей бұйымдарын ұрлап кеткен

1 802 рет қаралды

Нұр-Сұлтанда әйел адам ер адам болып киініп, туыстарының үйіне кіріп, әшекей бұйымдарын ұрлап кеткен, - деп хабарлайды Tengrinews.kz тілшісі қалалық Полиция департаментінің баспасөз қызметіне сілтеме жасап.

Полицейлердің мәліметінше, 39 жастағы әйел адам туыстары отбасымен үйде болмайтынын алдын ала білген. Сөйтіп үйдің кілтінің тағы біреуін жасап алған. 

"Пәтерге кірер алдында бақылау камерасына түсіп қалмауды ойластырған. Оны ешкім танымауы үшін әйел адам ер адам болып киініп, жүрісін өзгерткен.  
Туыстары қонаққа кетіп қалған кезде әйел адам ер адамның күртешесі мен бас киімін киіп, басқа киімдерін пакетке салып алған. Ер адам секілді жүріп, үйге қосымша кілт арқылы кірген. Әйел адам жалпы сомасы бір миллион теңге болатын әшекей бұйымдарды алып кеткен", - дейді полиция өкілдері. 

ПД баспасөз қызметінің мәліметінше, күдікті сыртқа шығып, киімін ауыстырып, ер адамның күртешесін лақтырып жіберген. Ұрланған әшекейлерді ломбардқа 370 мың теңгеге өткізіп жіберген. Үйге келіп, әшекейлерінің жоғалғанын көрген туыстары полицияға шағымданған. 

"Жедел-тергеу шарасы кезінде күдікті ұсталып, әйел адам істеген әрекетін мойындады. Сотқа дейінгі тергеу жүргізіліп жатыр. Алтын бұйымдар тәркіленді", - деді ПД өкілдері. 


25 қараша 2020, 16:05

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.