В Атырау 0 
Кәмелетке толмағандарды зорлады деп айыпталған Ақсу тұрғынының ісі Павлодар облысының мамандандырылған ауданаралық қылмыстық сотына келіп түсті, - деп хабарлайды Tengrinews.kz тілшісі.
Күдіктінің сотын алқабилер жүргізетіні айтылады.
Сот мәліметінше, ер адам бірден төрт бап бойынша айыпталып отыр: 120-бап "Зорлау", 121-бап "Сексуалдық сипаттағы зорлық-зомбылық әрекеттері", 287-бап "Атыс қаруын, оқ-дәрілерді, жарылғыш заттар мен жарылғыш құрылғыларды сатып алу, беру, өткізу және сақтау, тасымалдау немесе алып жүру", 296-бап "Есірткі, психотроптық заттар мен олардың аналогтарын сату мақсатынсыз заңсыз дайындау, өңдеу, сатып алу, сақтау, тасымалдау".
"Іс алдын ала қаралды. Алқабилерді іріктеу тағайындалды", - деді соттағылар.
Айта кетейік, қылмыстық істе барлығы 25 эпизод бар.
Еске салайық, мұның алдында Ақсу тұрғынының екі жыл бойы төрт оқушыға зорлық-зомбылық көрсетіп келгені хабарланған болатын. Полициядағылар зорлықтың 2016-2018 жылдар аралығында жасалғанын айтқан еді.