Ақтөбе облысында ер адам өзбекстандықты құлдықта ұстап келген

Ақтөбе облысында шаруа қожалығының иесі 58 жастағы өзбекстандықты құлдықта ұстап келген, - деп хабарлайды Tengrinews.kz тілшісі.

"Ақтөбе облысында шаруа қожалығының иесі анықталып, полицияға жеткізілді. Ол өзбекстандықтың құжаттарын тартып алып, бір жыл бойы оған зорлық-зомбылық көрсетіп, жұмысқа салып қойған", - деді баспасөз қызметінің өкілі Камиль Ғалиев ІІМ-де өткен брифингте.

Ведомство мәліметінше, құлдықта болған өзбекстандық малға қарап, сол маңдағы сарайда тұрған.

Қазіргі уақытта ҚР Қылмыстық кодексінің 128-бабы бойынша сотқа дейінгі тергеу жүріп жатыр.