Қанша қазақстандық коронавирусқа қарсы тегін вакцина салдырады?

Денсаулық сақтау министрлігі қанша қазақстандық коронавирусқа қарсы тегін вакцина салдыратынын айтты, - деп хабарлайды Tengrinews.kz тілшісі.

Денсаулық сақтау министрлігінің санитарлық-эпидемиологиялық бақылау комитеті төрағасының орынбасары Нұрлыбек Асылбеков мамандар тұрақты талдау жүргізіп жатқанын айтты.

"Біз 2 миллион доза туралы айтқанбыз. Халықтың шамамен 15 пайызын тегін вакцинациямен қамтамасыз ету мәселесі қарастырылып жатыр. Бұл шамамен 3 миллион 600 мың адам. Бұл мәселе пысықталып жатыр және ДДҰ ұсыныстарына байланысты осы пайызды арттыру үшін қосымша қаражат іздестіріліп жатыр", - деді ол.