СІМ АҚШ-та контрабандамен айналысты деп айыпталған қазақстандыққа қатысты пікір білдірді

Қазақстанның Сыртқы істер министрлігінің өкілдері АҚШ-та қамауға алынған қазақстандыққа қатысты пікір білдірді, - деп хабарлайды Tengrinews.kz.

Ведомство мәліметінше, қазақстандыққа Apple өнімінің контрабандасымен айналысқан деген айып тағылды. Тергеу шаралары басталған.

"Бүгінгі таңда біздің отандасымыз консулмен кездесуді сұрамады және көмек сұрамады. Соған қарамастан, Қазақстанның Нью-Йорктегі Бас консулдығы ұсталған ҚР азаматтарының құқықтары мен заңды мүдделерін қорғауды жүзеге асыру бойынша барлық қажетті консулдық-құқықтық көмек көрсетумен айналысады", - делінген хабарламада.

Дереккөз мәліметінше, ұсталған қазақстандық соңғы 10 жыл АҚШ-та тұрады.

Еске салайық, осыған дейін БАҚ өкілдері 10 адамның  АҚШ-та Apple өнімдерінің контрабандасымен айналысқан деген күдікке ілінгенін хабарлаған болатын. Шығын сомасы 50 миллион доллардан (шамамен 21 миллиард теңге) асқан болатын.