Жаңа жылда СТН болмайды

- Мен СТН куәлігімді жоғалтып алдым. Оны қайтадан жасатудың қажеттілігі бар ма?

Телефон арқылы

Сұраққа Атырау облысы бойынша Салық департаментінің өндірістік емес төлемдер және өкілетті органдармен жұмыс басқармасының бастығы Сәкен КИРГАБЕКОВ жауап берді:

- Егер оқырманға жыл соңына дейін несие ресімдеуге немесе айыппұл, өсімақы және басқа да міндеттемелерді төлеуге салық төлеушінің куәлігінің қажеттілігі болмаса, СТН-ді қайта жасатудың керегі жоқ. 2013 жылғы 1 қаңтардан бастап ЖСН қолдану туралы (заңды тұлғалар үшін БСН) ереже күшіне енеді және бұрын СТН сұрататын барлық банктік және басқа да операциялар барлық тұлғаларға берілген сандық кодтар арқылы жүзеге асады.