Экология, геология және табиғи ресурстар вице-министрі Ахметжан ПІРІМҚҰЛОВ ауаның ластану деңгейі жоғары қалаларды атады. Атырау үштікке ілінді.
Бұдан бұрын «AЖ» хабарлағандай, Атырауда 7-13 шілде аралығында ластаушы заттардың шекті рұқсат етілген концентрациясынан (ШРК) асқан 19 жағдай тіркелді. Ауа Береке өнеркәсіптік аймағында (Береке ықшам ауданы), Азаттық даңғылы-Әуезов қиылысында, Сәтпаев-Владимирский қиылысында көп ластанған.
Осы аптада ҚР Экологиялық реттеу комитетінің төрағасы Зұлфұхар ЖОЛДАСОВ ауада күкіртсутек иісін сезген қала тұрғындарының көптеген шағымына жауап берді. Оның айтуынша, ауа ластаушы – Сасықсай.
Өз кезегінде Атырау облысының прокуратурасы экология департаментіне, «Қазгидромет» РМК филиалы мен облыстық СЭС-ке күн сайын түнгі уақытта ауа сынамасын алып, кінәлілерді анықтауға тапсырма берді.
Фархат ӘБІЛОВ