Жеделсатылар жоғарыға көтерілмейді

– Алмагүл ықшам ауданындағы үйлердің жеделсатылары қашан жөнделеді?

Телефон арқылы

Қала әкімінің орынбасары Әділбек НҰРЛЫҒОЖИЕВ жауап береді:

– Термомодернизациялау бағдарламасының аясында Алмагүл ықшамауданындағы 16 қабатты алты үйдің жеделсатыларын жөндеу жұмыстары жоспарланған. Бүгінде №18 және 21 үйлерде жеделсатыларды ауыстыру жұмыстары басталды. Ықшам аудандағы 9 қабатты үйлерге қызмет көрсететін «Атыраулифт» ЖШС-не лифт шаруашылығының жай-күйін уақытында қадағалауға және кемшіліктерді жою шараларын алуға қатаң нұсқау берілді. ПИК тұрғындардан лифтілерге қызмет көрсету бойынша қарыздарын төлету шараларын алуда.