– Біз Атырау қаласының Қайыршақты округінің Томарлы поселкесінде Аманжол Оралов көшесінде тұрамыз. Биыл көшемізге тек қиыршық тастар төгіп, ал асфальтты ақыры төсеген жоқ. Көршілес Жұлдыз және Геолог-2 тұрғын үй массивтеріндегі жолдар асфальтталған. Біздің көшемізге кезек қашан келеді?
Телефон арқылы
Қала әкімінің орынбасары Әділбек НҰРЛЫҒОЖИЕВ жауап береді:
– Биыл Томарлы поселкесінде Ермұханов, Колхозный, Әжіғалиев, Наурызбек, Абай-2, Жұмағалиев көшелерін және Смағұлов көшесінің учаскесін асфальттау жоспарланып отыр. А.Оралов көшесі тұрғындарының тілегі 2013 жылдың жол құрылысы жоспарын жасау кезінде ескерілетін болады.