Оқу ақысы неге қымбаттай береді?

- Атырау мұнай және газ институтында оқу ақысы жыл сайын неліктен 50 мың теңгеге дейін өсіп кетеді?

Телефон арқылы

Сұраққа Атырау мұнай және газ институтының бас есепшісі Гайнель МҰХАМБЕТҚАЛИЕВА жауап береді:

- Бізде студент пен оқу орны арасындағы келісім-шарт бірден 4 жылға толтырылады. Бірақ, ҚР «Білім туралы заңына» сәйкес, білім алушы шарт жасасу кезінде 4 жыл оқу кезеңінің ақысын бір мезгілде төлеген жағдайда, төлем сомасы оқу мерзімі аяқталғанға дейін өзгермейтін болады. Ал егер ол студент оқуын аяқтамай қалған жағдайда, қалған ақшасы өзіне кері қайтарылады.

Оқуға төлемді кезең-кезеңімен төлеген ретте төлем сомасы жалақының ұлғаюы жағдайында және инфляция индексі ескеріле отырып, жылына бір рет қана өзгертілуі мүмкін.