Базаны жаңартыңыз

- Күйеуім қайтыс болғаннан кейін пәтерді өз атыма қайта рәсімдеп алған едім. Барлық коммуналдық қызметтер түбіртектерді менің атыма жібереді, ал үй кітабын апарсам да жылу қызметкерлерінен түбіртек бұрынғыша күйеуімнің атына келеді. Шынымды айтсам, олардан түбіртектер алу маған моралдық тұрғыда ауыр тиеді. Неліктен олар түбіртектегі мәліметті өзгертпейді?

Телефон арқылы

Сұраққа Атырау ЖЭО жылу энергиясын сату қызметінің бастығы Светлана ПАК жауап береді:

- Жалпы базадағы мәліметтерді өзгерту үшін абонентке азаматтарды тіркеу кітабын емес, меншік иесінің тіркеу туралы куәлігінің көшірмесін әкелуі керек. Содан кейін базадағы мәліметтер тез арада жаңартылатын болады.