Тест тапсыруға тура келеді

- Ұлымның сыныптастары 9-сыныпты аяқтағаннан кейін колледждерге түскісі келеді, ал ұлым білімін мектепте жалғастырғанды қалайды. Жақында мектеп директоры 10-сыныпта оқығысы келетіндерге басқа мектепке ауысуға тура келетінін, өйткені ең болмағанда бір 10-сыныпта оқу үшін  оқушылар саны жетіспейтіндігін айтты. Не істейміз?

azh.kz сайтынан

- Бұрын 9-сыныптан кейін түлектер ҰБТ-дан өтуден қауіптеніп, колледждерге, кәсіптік-техникалық мектептер мен лицейлерге оқуға кететін. Жаңа ереже бойынша, биылғы жылдан бастап техникалық және кәсіптік, орта білімнен кейінгі білімдері (колледждер) бар және жоғарғы оқу орындарына тектес мамандықтарға оқуға түсетін тұлғалар ақылы негізде кешенді тестілеуден өтеді. Мен бұл өзгеріс 10-сыныпта оқуға ниет білдірушілер санын көбейтеді деп ойлаймын, - дейді қалалық білім беру бөлімінің бас мектеп инспекторы Дариға ШОХАНАЕВА. 10-сыныптар әр сыныпта 20-25 оқушыдан болған жағдайда құралады. Егер бір мектепте мұндай мөлшерде оқушы жиналмаса, балаларға басқа мектепке ауысуға тура келеді.