Медициналық тексеру – ақылы

– Немерем жұмысқа орналасатын боп, медициналық тексеруден өтуі тиіс болатын. Мекен-жай бойынша №2 емханадағылар оған әр дәрігерден тексеруден өту 800 теңге тұратынын айтқан. Бірақ ол әлі жұмысқа орналасқан жоқ қой. Бұл жұмыс берушінің талабы. Неліктен әлі жұмысқа орналаспаған адам ақша төлеуі тиіс?

Телефон арқылы

– №2136 үкімет қаулысына сәйкес, жұмысқа орналасар алдында медициналық тексеруден өту және қалалық кәсіпорындардың қызметкерлеріне мерзім сайын медициналық тексеруден өту тегін медициналық көмектің кепілдендірілген қатарына кірмейді. Антимонополиялық комитет бекіткен қызметтердің баға тізбесі тіркеу бөлімінің алдына көзге көрінетін жерге ілінген, - деп хабарлады №2 қалалық емхана бас дәрігерінің орынбасары Гүлмира ШАМАЕВА.