Сот тәртібімен шешіледі

Біздің асырап алған сәбиіміз басқа облыста дүниеге келген, бұл туралы туу туралы куәлікте жазылған. Жұбайым екеуміз мұның болашақта сәби неліктен біз бұрын-соңды болып көрмеген қалада туылды деген қажетсіз сұрақтар туғызуы мүмкін деп қауіптенеміз. Біз куәліктегі жазуды ауыстырғымыз келеді? Мұны қалай жасауға болады?

Телефон арқылы

Атырау қалалық әділет басқармасының бас маманы Гүлфара МАРАТОВАНЫҢ айтуынша, бұл мәселені тек сот тәртібімен ғана шешуге болады екен. Асырап алушы ата-ана қалалық сотқа сәбидің туу туралы куәлігін өзгерту туралы өтініш беру керек. Өтінішке жеке бас куәлігінің, үй кітабының және сәбидің туу туралы куәлігінің көшірмелерін тіркеу қажет.