Қысқа қайырғанда

533 рет қаралды

Исатай ауданы, Забурын селолық округінде ба-лық аулау цехы ашылып, жұмыс жасауда. Ауыл адамдары екі қолға бір жұмыс таппай сенделіп кеткен болатын. Дамбы селосындағы «Жамбыл» ӨК-нің Забурыннан балық аулау цехын ашуы көп адамға үміт отын жақты десе болады. Күні бүгінде адамдар жұмысқа алына бастаған, балықшылардың саны 30-ға дейін жетеді деп отыр. Кооператив ауылдағы қайықтарды, моторларды жинап түгендеп, жөндеуге кірісіп те кетіпті.

 

Исатай ауданында ата-анасы жоқ және аз қамтылған отбасы балаларын қолдау мақсатында қаржылар бөліне бастаған. Жуырда бюджеттен 5 млн. теңге бөлініп, ол қаржы түрлі оқу орындарында оқитын төлем қабілеті жетпейтін студенттерге берілетін болды.

 

Өткен жылы жұмыссыздарды жұмыспен қамту мақсатында түрлі шаралар қолға алына бастаған еді. Ауданда төменгі пайызбен 5 жылға қаржы беру арқылы біраз адам жұмыс көзін ашыпты. Мәселен, өткен жылы 7 адам 10 млн теңгеге ие болған. Осы қаржымен жеке монша, шаштараз ашып, тіпті мал өсіруге ден қойғандардың қатары көбейген. - Бұған ынта білді-рушілер көбейді. Биыл  50 млн. теңге сұратпақшымыз. Тіпті көршілес ауданның адамдары бізге тәжірибе жинақтау үшін келіп те кетті,-дейдіИсатай ауданы әкімінің орынбасары Мади ӨТЕҒАЛИЕВ.

Ләззат ҚАРАЖАНОВА

29 ақпан 2012, 19:59

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.