В Атырау
+26 
Қаладағы автобус маршруттары қозғалысының үлкен үлесін алып отырған «Батыс-Транспорт СИМ» ЖШС өткен жылдың аяғында қоғамдық көліктегі жолақы тарифін көтеруді жоспарлаған болатын. Жолақы енді қашан қымбаттайды?
Телефон арқылы
Біз бұл сауалға аталмышкәсіпорынның директоры Рахметолла АЛШЕНОВТІҢ жауап беруін өтіндік. – Қалалық әкімдіктің көлік және байланыс бөлімінің өтініші бойынша біз жанар-жағармай материалдар бағасының 45% өсуіне байланысты автобус паркінің қалыпты жұмыс жасауы үшін қандай тариф керек, соған орай өз есебімізді жасадық. Жолақы қанша болады және ол қашан қымбаттайды, мен оны айта алмаймын, бұл мәселені өкілетті орган шешеді. Әрбір маршрут бойынша біз жеке-жеке есеп жүргіздік. Айталық, қала маңына жүретін маршруттағы жолақы 70-90 теңге. Ал, орталық маршруттарда 50-60 теңге болуы тиіс. Қала тұрғындарынан бізді дұрыс түсінулерін сұраймыз.