Ирандық кеме теңізде тұралап тұр

Бұл оқиға 12 қарашада болған еді. Ираннан авто­көліктен бастап, тұрмысқа қажетті тауарлар мен азық-түлік түрлерін тиеген кеме өзі діттеген Ақтау портына иек арта бере, Құрық порты маңында тоқтап қалды. 780 тонна шамасында жүк арқалаған су көлігінің алға басуына тулаған толқындар мүмкіндік бермесе, келіп тоқ­таған жерінің тасты болуы кеменің астыңғы бөлі­гінің зақымдануына, тесі­луіне әкеліп соқтырған. Иран­ның «Хазар Си Шиппинг Лайн» компания­сына ти­есілі «Tiba» кемесін құт­қару, ондағы тонналаған тауарлардың теңіз түбінде қалмауы үшін алғашында кеме қызметкерлері өздері әрекеттенгенмен, су көлігін құтқарудың оңай еместігіне көз жеткізіп, қазақстандық «Қазақтеңізкөлікфлот» ұлт­тық компаниясынан көмек сұрауға мәжбүр болады.

Қазіргі таңда желтоқсан айының алғашқы күндерінде бас­талған құтқару жұ­мыс­тарының бірінші ке­­зеңі аяқталып, екінші кезеңі басталған. Әрқайсысында 8 экипаж мүшесі бар екі бук­сир мен бір баржа жұмыл­дырылған.

Әйтсе де, Қазақстанда те­ңіздегі оқыс оқиғаларда, апатты жағдайларда құтқару қызметін ұйымдастыру, кеме мен кеме экипажына жәр­демдесетін қызмет ой­дағыдай дәрежеде емес екен. Сол себепті ұлттық компания өкілдері теңізде кемелерді құтқару қызметін құру қажет» деп санайды.

– Жуырда Әзербайжанда теңіздегі кен орнында апат­ты жағдай болып, су қон­дырғысы өртеніп, сон­да, тіпті, бірнеше адам қай­тыс болды. Сол себепті, құт­қа­ру қызметін құрудың өте ма­ңызды екенін айтқым ке­леді. Біз жақында теңіздегі мұнай кен орындарын игеруге дайындалып жатырмыз, демек, судағы кемелерді құтқару қызметінің қажеттілігі артады. «Қазақтеңізкөлікфлоты» сол қызметке барынша жәр­демдесуге, қалыптасуына ат­салысуға дайын. Бізде қа­жетті маман да, құрал-жабдық та, кемелер де дайын, – дейді «Қа­зақтеңізкөлікфлоты» ұлт­тық компаниясы бас ди­рек­торының кеңесшісі Қ.Есетов.

Дереккөз: egemen.kz