Қазақстанда балық аулаудың көлеңкелі айналымы $100 млн жетті

Қазақстанда 2012-2015 жылдары балық аулаудың көлеңкелі айналымы 100 миллион долларға жуықтады деп хабарлайды ҚР Бас прокуратураның баспасөз қызметі балық ресурстарын өндіру және оның айналымы саласында жүргізген талдау нәтижелері бойынша.

АСТАНА, 7 қаз — Қазақстан жаңалықтары АА. Қазақстанда 2012-2015 жылдары балық аулаудың көлеңкелі айналымы 100 миллион долларға жуықтады деп хабарлайды ҚР Бас прокуратураның баспасөз қызметі балық ресурстарын өндіру және оның айналымы саласында жүргізген талдау нәтижелері бойынша.

Қазақстан Республикасының Бас прокуратурасы балық ресурстарын өндіру және оның айналымы саласында жұргізген талдау нәтижелері бойынша елеулі заң бұзушылықтарды анықтады.

Ведомствоның атап көрсетуінше, балық шаруашылығының бай су қорына және мұндағы балық өсіру мен балық аулауды қарқынды дамытуға қолайлы жағдайлар болуына қарамастан еліміздің балық қорлары азайып барады. Бұған өнеркәсіптік деңгейге жеткен браконьерлік себеп болып отыр.

"Тек 2012-2015 жылдарда Қазақстаннан экспортталатын балық өнімдерінің 30%-ын немесе 40 мың тоннаның 13,7 мың тоннасын браконьерлер шығарды",-деп атап көрсетеді ведомство.

Заңсыз ауланған балықты шекарадан шығаруды ұйымдасқан қылмыстық топтар жалған кәсіпорындар желісі арқылы және оның шығу заңдылығы туралы жалған құжаттарды пайдалану жолымен іске асырады.

"Осы ретте көрсетілген кезеңде көлеңкелі айналым мөлшері шамамен 100 млн. АҚШ долларын құрады, табиғат ресурстарын заңсыз шығару және салық төлеуден жалтару салдарынан мемлекетке келтірілген шығын сомасы 15 млрд. теңгеден асты",-делінген хабарламада.

Ведомстводан атап көрсеткендей, прокуратура органдары балық өнімдерінің заңсыз айналымы фактілерін бұдан бұрын да анықтаған еді. Мысалы, 2010-2012 жылдарда Шығыс Қазақстанда 54 адамға қатысты Зайсан-Ертіс бассейні су қоймаларында браконьерлер аулаған 22,2 мың тонна балықты шығару фактісі бойынша 114 қылмыстық іс қозғалып, тергелді. Сонда мемлекетке келтірілген шығын 11 млрд. теңгеден астам болды. Кінәлі адамдар сотталды.

"Қарастырылып отырған салада заңдылықты қамтамасыз ету үшін маңызды міндеттердің бірі қолданыстағы заңнаманы жетілдіру және өкілетті мемлекеттік органдардың (ауыл шаруашылығы, қаржы және ішкі істер министрліктері) жұмысын жандандыру болып табылады",-деп қорытындылады ведомстводан.

Дереккөз: newskaz.kz