В Атырау -8 
– Қаладан 11 шақырым жерде Талғайраң ауылы бар. Талғайраңнан тағы 11 шақырым жерде «Атырау қаласының шекарасы» белгісі тұр. Алайда жақын маңда елді мекендер жоқ. Бұл белгінің болуы жол полицейлеріне Атырау-Индер тас жолының бойымен сағатына 60 шақырым жылдамдықтан жоғары жүретін жүргізушілерге айыппұл салу құқығын береді. «Атырау қаласының шекарасы» жол белгісін оның нақты шекарасына – Талғайраң ауылына кері орнатуға бола ма?
Телефон арқылы
Сұраққа облыстық прокуратураның бөлім аға прокуроры Мерген МЕҢДІҒАЛИЕВ жауап берді:
– 2012 жылдан бастап аталмыш көлік жолында жол жабынын қалпына келтіру жұмыстары жүргізілуде. Жол белгісі орындалған жол жұмыстары актісінің негізінде орнатылды. Ол сол кезде Атырау қаласынан 1-20-шы шақырым аралығында, 20 шақырым жерде аяқталған болатын. Карта бойынша Атырау қаласының шекарасы көлік жолының 26-шы шақырымына салынған. Жол белгісін Талғайраң ауылына емес, ресми шекараға қайта орнату жол жұмыстарының аяқталу актісі алынғаннан кейін жүргізілетін болады.