Емханалардың өзара көмегі

– №5 емханада рентген аппараты бұзылып қалып, пациенттерді №1 емханаға жіберуде. Ол жерде бізден 500 теңге төлемақы талап етіп отыр. Бұл процедураны кім төлеуі тиіс – емхана ма, әлде пациенттер ме?

Телефон арқылы

Сұраққа облыстық денсаулық сақтау басқармасының бас терапеві Алмагүл ҚАБДРАХМАНОВА жауап берді:

– №5 емханада қазіргі уақытта рентген аппараты жұмыс жасамайды, ал бүкіл пациенттер №3 емханаға жіберілуде. Өйткені №5 және №3 емханаларда бекітілген тұрғындардың тіркелімі бойынша қызмет көрсету келісімшарты бар. №5 емхананың пациенттері №3 емханаға жолдамамен барса, медициналық қызметті амбулаторияның өзі төлейді.

Қазір мамандар қажетті бөлшектерге тапсырыс беріп қойған, ол Атырауға мамырдың басында келуі тиіс.