Полицейлер соққыға жығылды

Құрманғазы ауданы Орлы селосының тұрғыны тапаталтүсте екі полицейді ұрып кеткені үшін бір жыл шартты мезрзімге сотталғаны жөнінде аудандық прокурордың көмекшісі Магилан ЕРКІНҰЛЫ хабарлаған болатын.

Оқиға былай болған, орлылық қырықты алқымдаған С. К. ауылдасымен сөзге келіп қалып, боқтап балағаттайды. Жәбірленуші полицияға шағымданған. Ұрдажықты тәртіпке шақырмақ болғандығы онша оған ұнамаса керек, полицейдің бірінің мұрнын бұзса, екіншісінің бетін тырнап алыпты. Осы бойынша ҚР ҚК 321 бабы 1 бөлігі бойынша қылмыстық іс көтеріліп, полиция қызметкерлерін соққыға жыққан С. К. аудандық соттың үкімімен бір жыл шартты мерзімге сотталып тыныпты.

Ләззат ҚАРАЖАНОВА