В Атырау +4 
Атырау тұрғыны қыстық күрте сатып алғаннан кейін келеңсіз жағдайға тап болды.
Бірнеше күн ішінде оның тігістері сөгіліп кеткенін байқаған. Әйел адам тауарды ауыстыруды сұрап дүкенге келгенде, сатушы «дұрыс кимегенсіз» деп, ақшаны қайтарудан бас тартқан.
Сатып алушы Атырау облысы Сауда және тұтынушылар құқығын қорғау департаментіне жүгініп, онда сотқа дейінгі талапхат жазуға көмектескен. Нәтижесінде, қала орталығындағы дүкен иесі әйелге күрте бағасы — 58 мың теңгені толық қайтарған.
- Көп жағдайда адамдар үнсіз қалуды жөн көреді. Бірақ «Тұтынушылардың құқықтарын қорғау туралы» заңының 30-бабына сәйкес, егер тауар сапасыз болып шықса, сатып алушы ақшасын қайтаруды немесе тауарды ауыстыруды талап етуге құқылы, — деп түсіндірді департаменттің басшысының орынбасары Жансая Дадын. — Көп даулар сотқа дейінгі шағым беру кезеңінде шешіледі. Әркім өз мүддесін қорғауға құқылы, біз әрдайым көмектесуге дайынбыз.
Атырау облысының Сауда және тұтынушылар құқықтарын қорғау департаменті мына мекенжай бойынша орналасқан: Құрманғазы көшесі, 12Б, 3-қабат, 9–10 кабинет.
Лев ГУЗИКОВ