​Атырауда екі жасар сәби балконнан құлап көз жұмды

Қайғылы оқиға Атырауда Азаттық даңғылындағы 49-үйде болды.

Алдын ала мәлімет бойынша, сәби ересектердің қарауынсыз қалған. Бала алған жарақаттарынан оқиға орнында көз жұмды.

Полиция департаменті жағдайды растады. Қазір тиісті тексеріс жүргізіліп, оқиғаның барлық мән-жайы анықталып жатыр.

UPD: Атырау облысы полиция департаменті түсініктеме берді: Атырау қаласында көпқабатты үйлердің бірінің бесінші қабатынан екі жастағы баланың құлау дерегіне қатысты қылмыстық іс тіркелді. Оқиғаның барлық мән-жайын анықтау үшін кешенді тергеу амалдары жүргізілуде.

Айнұр САПАРОВА