Атыраулықтарға мүлік салығын төлеу мерзімі еске салынды

Атырау қаласы Мемлекеттік кірістер департаменті 2024 жылға арналған жеке тұлғалардың мүлік салығын төлеу мерзімінің жақындағанын еске салды. 

Төлемді соңғы мерзім 2025 жылғы 1 қазанға дейін жасау қажет.

Салық төлеуге кімдер міндетті? 

Мүлік салығы мына объектілерге иелік ететін жеке тұлғаларға салынады:

• тұрғын үйлер мен пәтерлер;

• жазғы үй-жайлар (саяжайлар);

• гараждар;

• өзге де жеке меншіктегі ғимараттар, құрылыстар мен бөлмелер.

Мерзімінен кешіктірген жағдайда:

• 2 қазаннан бастап борышкерлерге қарыз туралы хабарламалар жіберіледі;

• Қарыз бір айлық есептік көрсеткіштен асса, 30 жұмыс күні ішінде мәжбүрлеп өндіріп алу туралы шешім шығарылады және әрбір күнге өсімпұл есептеледі.

Салықты төлеу жолдары:

• e-Salyq Azamat мобильдік қосымшасы арқылы;

• Мемлекеттік кірістер комитетінің сайтында: kgd.gov.kz;

• Электронды үкімет порталы: egov.kz;

• Екінші деңгейлі банктердің мобильдік қосымшалары арқылы.

Мемлекеттік кірістер департаменті Атырау қаласының тұрғындарын салық міндеттемелерін уақытылы орындауға шақырып, мәжбүрлеп өндіріп алу шаралары мен өсімпұлдан аулақ болуға кеңес береді.