В Атырау -9 
Польша премьер-министрі Дональд Туск елдің әуе кеңістігінің бұзылғанын және бірнеше дронның атып түсірілгенін хабарлады. Ол бұл туралы АҚШ компаниясы Х әлеуметтік желісіндегі парақшасында жазды, деп хабарлайды АА.
«Мен НАТО Бас хатшысына қазіргі жағдай мен біздің әуе кеңістігімізді бұзған объектілерге қатысты қабылданған шаралар туралы хабарладым. Біз тұрақты байланыстамыз», – деп жазды Туск.
Бұған дейін премьер-министр Польша Қарулы күштерінің жедел қолбасшылығынан қызметінен әуе кеңістігіне кірген және қауіп төндіруі мүмкін дрондардың атып түсірілгені туралы есеп алғанын мәлімдеген. «Операция жалғасуда», – деді ол.
Сонымен қатар, Польша полициясы атып түсірілген дронды тапқанын хабарлады.
«10 қыркүйек күні таңғы 5:40-та (Мәскеу уақытымен 6:40) Чоснувка ауылында полиция зақымдалған дронды тапты. Біз тиісті органдарға хабарладық», – делінген Люблин воеводствосы полициясының хабарламасында.
Айта кетейік, 10 қыркүйектің түнінде бүкіл Украина аумағында әуе қауіпсіздігі дабылы іске қосылған.