Испания Израильге қарсы санкциялар енгізді

Испанияның солшыл коалициялық үкіметінің азшылық бөлімі Газадағы геноцидке байланысты Израильге қарсы 9 тармақтан тұратын санкцияларды қолдануға кірісті, деп хабарлайды АА.

8 қыркүйекте премьер-министр Педро Санчес жариялаған Израильге қарсы санкциялар бүгінгі министрлер кеңесінің отырысында мақұлданды.

Кеңес отырысынан кейін сыртқы істер министрі Хосе Мануэль Альбарес: «Газада осындай көп санына кінәсіз адамдардың өліміне үнсіз қарап, әрекетсіз қалу мүмкін емес еді» – деді.

Министрдің айтуынша, үкімет «Газадағы геноцидке қарсы шаралар және Палестина халқына қолдау көрсету» деп аталған шаралар пакетін қабылдады, ол дереу күшіне енеді.

Альбарес Израиль мен Палестина құқықтарын мойындайтын екі мемлекеттің негізінде бұл талаптың нақты және жүзеге асырылатын шешім екенін қайталап айтты: «Біз басынан бастап қадам бойынша шешімдер қабылдадық. Испания ұлттық деңгейде барын салуда. Егер бұл шешім Еуропалық Одақ деңгейінде қабылданса, әсері әлдеқайда жоғары болар еді. Копенгагендегі кездесу барысында мен ЕО сыртқы істер министрлеріне Израильге қару-жарақ экспортын тоқтату, сауда-саттықты тоқтату және Израиль мен ЕО арасындағы барлық бағдарламаларды уақытша тоқтату жоспарын ұсындым, бірақ әзірге бір ауыздан келісім жоқ, дегенмен біз сандық көпшілікке жақындап келеміз».

Альбарес ЕО мен Израиль арасындағы серіктестік келісімінің 2-бабы Израиль тарапынан айқын бұзылғанын және осыған байланысты Еуропалық комиссия есебі бар екенін атап өтті. Ол 21 қыркүйекте БҰҰ Бас Ассамблеясында шешуші шаралар қабылдануы мүмкін екенін айтты.

Санкциялар тізімі ашық және қажет болған жағдайда Израильдің жаңа әрекеттеріне байланысты толықтырылуы мүмкін. Тізімде «Газадағы геноцидке, адам құқықтарын бұзуға және әскери қылмыстарға тікелей қатысы бар адамдарға Испанияға кіруге тыйым салу» қарастырылған.

Альбарес Испания тарихында дипломатиялық қатынастар тек бір елмен (1980 жылы Гватемаламен) ғана үзіліп, қалған жағдайда дипломатиялық келіссөздер жалғасатынын еске салды. Испания екі мемлекет шешімін жүзеге асыру үшін Израильмен дипломатиялық байланыстарды сақтай бермек.

Глобальды флот кемесіндегі жарылыс туралы

Бүгін таңертең Туниске жеткен Глобальды флоттың бір кемесінде болған жарылысқа байланысты Альбарес: «Жарылыс кезінде кемеде 4 испан азаматы болды, барлығы аман-есен. Біздің мәліметтеріміз бойынша бұл дронмен жасалған шабуыл емес. Бұл апат немесе өрт болды. Дегенмен жағдай қызық, тергеу қажет. Барселонанан кемелер шыққан сәттен бастап барлық испан азаматтары консулдық қорғанысқа ие» – деді.

Испанияның Израильге қарсы 9 санкциясы

«Газадағы геноцидке қарсы шаралар және Палестина халқына қолдау көрсету» атты санкциялар пакеті мыналарды қамтиды:

• 2023 жылдың қазанынан бері Израильге қарсы енгізілген қару-жарақ эмбаргосын заңдастыру, осы елге қару, оқ-дәрі және әскери жабдық сатуға тұрақты тыйым салу.
• Израиль армиясына отын таситын кемелердің испан порттарынан өтуіне тыйым салу.
• Қорғаныс материалдарын тасымалдайтын ресми ұшақтардың Испания әуе кеңістігіне кіруіне тыйым салу.
• Газадағы геноцидке, адам құқықтарын бұзуға және әскери қылмыстарға қатысы бар адамдардың Испанияға кіруіне тыйым салу.
• Газадағы және Батыс жағалаудағы заңсыз қоныстардан өнім импортын тоқтату, оккупацияға қарсы күрес, палестиналық бейбіт тұрғындардың күшпен көшірілуін тоқтату және екі мемлекет шешімін қолдау.
• Заңсыз израильдік қоныстарда тұратын испан азаматтарына көрсетілетін консулдық қызметті минималды деңгейге дейін қысқарту.
• Испанияның Палестинаға қолдауын арттыру: ЕО шекаралық миссиясында испан әскери қызметшілер санын көбейту, ауыл шаруашылығы, азық-түлік қауіпсіздігі және медициналық көмек саласында жаңа жобаларды іске қосу.
• Палестина босқындарына көмек көрсету және жұмыстар ұйымдастыру үшін Біріккен Ұлттар Ұйымының Таяу Шығыс агенттігіне (БАПОР) Испанияның үлесін 10 миллион еуроға арттыру.
• Газада гуманитарлық көмек пен ынтымақтастықты 2026 жылға дейін 150 миллион еуроға дейін ұлғайту.