В Атырау +4 
Президенттің 2025 жылғы Жолдауын жүзеге асыруға арналған Үкімет отырысында Премьер-министр Олжас Бектенов еліміздегі көмірсутегі шикізатын терең өңдейтін бірқатар озық жобаларды іске асыру қажеттігін атап өтті.
Атап айтқанда, Атыраудағы газ-химия кешенін және Павлодарда сұйытылған табиғи газды өңдейтін кәсіпорынды іске қосу жоспарланған.
Премьер-министр барлық жобаларды белгіленген мерзімде уақтылы іске қосу үшін шаралар қабылдауды тапсырды.
«Энергетика министрлігі «Самұрық-Қазына» қорымен бірлесіп, екі ай ішінде жаңа инвестициялық жобалар үшін газды ұзақ мерзімді кепілді түрде жеткізуді қамтамасыз ету тетігін әзірлесін», — деді Олжас Бектенов.
Сонымен қатар, елімізде энергия көздерін ауқымды жаңғырту жұмыстары басталған. Инвесторлардың қатысуымен ірі жобалар жүзеге асырылуда, оның ішінде алғашқы атом электр станциясының құрылысы бар.
Премьер-министр энергетикалық объектілерді белгіленген мерзімде іске қосу, сондай-ақ көмір энергетикасында қоршаған ортаны сақтайтын озық технологияларды қолдануға ерекше көңіл бөлуді тапсырды.