В Атырау +2 
Атырау тұрғындары Атырау – Махамбет трассасы бағытындағы көпірді жөндеу жұмыстарының салдарынан кептеліс туындап жатқанын айтып шағымдануда. Қала тұрғындарының айтуынша, көпір астындағы айналма жолдың жабылуы қозғалысты күрт қиындатып отыр.
Қала тұрғыны Ақмарал Аманкелдіқызы облыс әкімдігіне жазған өтінішінде жүргізушілердің жолда екі сағаттай кептелісте тұруға мәжбүр екенін атап өтті.
«Бұл уақыт алып қана қоймай, адамдардың шұғыл мәселелерін шешуге де кедергі жасайды. Көпір астындағы жолды уақытша ашу немесе баламалы қозғалыс ұйымдастыру мүмкіндігін қарастыруды сұраймын, – деп жазды ол.
Осы пікірді Айзада Қайратова да қолдайды. Ол жөндеу жұмыстары тым ұзаққа созылып жатқанын және қозғалыстың дұрыс ұйымдастырылмағанын атап өтті:
«Күн сайын кептелісте тұрамыз да жұмысқа кешігіп қаламыз. Бір жақты аяқтап болған соң екінші жақты жөндеуге кіріседі, содан қайтадан сол кептелістер пайда болады. Патрульдер жоқ, қозғалыс реттелмейді. Көліктер барлық тараптан келеді, жүргізушілер бір-бірін қиып өтеді, кезек қозғалысы баяу. Неге жол полициясы ағымды реттеуге көмектеспейді?»
Тұрғындар дұрыс ұйымдастырылған қозғалыс әлдеқайда жеңіл болатынын атап өтті. Олар әкімдік пен уәкілетті органдардан мәселені назарға алып, көлік жүктемесін азайту шараларын алуды сұрап отыр.
Қазір қалаға кіреберісте орналасқан 89 метрлік көпірді демонтаждау жұмыстары жүріп жатыр, бұл «Квадрат» булану алаңы маңында орын алған. Осы кезеңде көлік қозғалысы теміржол өткелі арқылы өтеді. Қазіргі таңда 2 км ұзындықтағы жол учаскесіне негізгі жол қабаты төселді. Сонымен қатар асфальт төсеу жұмыстары жүріп жатыр, аяқталған соң бұл 2 км жол уақытша қозғалысқа ашылады.
Айгүл МАНСУРОВА
Сурет: Ақмарал Аманкелдіқызы