В Атырау +2 
Атыраудағы №37 орта мектептің ата-аналары мұғалімді алаяқтық жасады деп айыптады. Олардың айтуынша, педагог ата-аналардың сеніміне кіріп, «грантқа орналастырамын» деп уәде беріп, осы желеумен олардан ақша мен зергерлік бұйымдар алған.
Бір топ ата-ана ресми шағым түсіріп, мұғалімнің өз қызметін жеке мүддесіне пайдаланғанын мәлімдеді.
- Баламызды кімге сеніп тапсыра аламыз? Мектеп ішінде осындай жағдай болып жатқанда тәрбие, білім туралы не айтуға болады? – деді наразы болды ата-аналар.
Олар мұғалімді дереу жұмыстан шығаруды және қалалық прокуратура, полиция және білім басқармасын жағдайға бақылау жасап, істі сотқа жеткізуді талап етуде.
Ата-аналар қауымы балалардың тағдырына салғырт қарауға жол бермейтінін айтып, егер фактілер расталса, кінәлі тұлға қатаң жазалануы тиіс деп отыр.
Білім басқармасы әзірге пікір білдірмеді. Ал полиция департаменті:
- Осы факт бойынша «Алаяқтық» бабы бойынша сотқа дейінгі тергеу басталды. Кешенді тергеу әрекеттері жүргізілуде. Тергеу мүддесіне байланысты басқа ақпарат жария етілмейді, – деді.
Айгүл МАНСУРОВА