В Атырау +4 
Польшада осы демалыс күндері өтетін халықаралық авиашоуға дайындық барысында F-16 жойғыш ұшағы апатқа ұшырады, деп хабарлайды АА.
PAP ақпарат агенттігінің хабарлауынша, оқиға елдің орталығындағы Радом қаласында болған.
«Радомда қайғылы жағдай орын алды. Авиашоуға дайындық кезінде F-16 жойғыш ұшағы құлады. Өкінішке қарай, ұшқыш қаза тапты», – деп мәлімдеді Польшаның үкімет өкілі Адам Шлапка әлеуметтік желідегі парақшасында.
Апат орнына Польша Қорғаныс министрі Владислав Косиняк-Камыш барды. Ұшақ құлау дерегі бойынша тергеу басталды.
29 тамыз, 10:45