В Атырау +1 
Министрлік асфальт-бетон зауыттарының жұмысын (АБЗ) тексеріп, бақылауды күшейтті. Бүгінгі таңда еліміздегі 431 зауыттың 382-сі, яғни 89% тексеруден өтті, деп хабарлады ведомствода.
Астана, Шымкент қалалары мен Алматы, Жетісу, Қостанай, Павлодар, Ақтөбе облыстарындағы барлық жұмыс істеп тұрған АБЗ толық қамтылды. Инспекциялық жұмыстарды автомобиль көлігі комитетіне қарасты жол активтерінің ұлттық сапа орталығы жүзеге асырып жатыр.
Тексеру барысында сапа қызметіне жауапты мамандардың болуы, жол құрылысы материалдарын сақтау және тасымалдау ережелерін сақтау мәселелеріне ерекше назар аударылды. Сондай-ақ, сапаны бақылау бойынша технологиялық регламенттердің бар-жоғы бағаланды.
Инспекция қорытындысы бойынша бірқатар АБЗ-ға қызметін жетілдіру және жаңғырту жөнінде нақты ұсыныстар берілді. Бұл алдағы уақытта зауыттардың қажетті сапа деңгейіне шығуына мүмкіндік береді.