В Атырау +1 
Жақын арада "Қазақстан темір жолы" ҰК" АҚ-ны (ҚТЖ) Талғат Алдыбергенов басқаруы мүмкін.
Бұл туралы жағдайды жақсы білетін CMN.KZ дереккөзі хабарлады. Қазір ол ұлттық темір жол компаниясы басқарма төрағасының орынбасары қызметін атқарады.
Талғат Алдыбергенов - темір жол және логистика саласында ұзақ жыл еңбек еткен тәжірибелі басқарушы. Ол Алматы темір жол көлігі инженерлері институтын, сондай-ақ РФ Президенті жанындағы Ресей халық шаруашылығы және мемлекеттік қызмет академиясын бітірген.
Ол еңбек жолын Батыс-Қазақстан темір жолының Орал бөлімшесіндегі Қазақстан станциясында тауар кассирі қызметінен бастады. Кейін Орал станциясы бастығының орынбасары, жол бойындағы коммерциялық ревизор, одан кейін көлік және логистикалық компаниялардың аймақтық филиалдарының басшылығында жұмыс істеді.
Әр жылдары Алдыбергенов әртүрлі қызметте болды:
«Желдорэкспедиция» ДЖТ Ақтөбе филиалы, директордың бірінші орынбасары (07.04.1998 - 10.09.1998)
«Қазақстан темір жолы» РМК Ақтөбе тасымалдау бөлімшесі» филиалы, ДЦФТО директоры (11.09.1998 - 26.11.1999)
«Қазтранссервис» еншілес мемлекеттік кәсіпорны, Директор (19.11.1999 - 02.07.2002)
«Қазмұнайгаз» Сауда Үйі» АҚ, Көлік департаменті, Директор (11.08.2003 - 13.10.2006)
«Кедентранссервис» АҚ, Президент (28.01.2008 - 29.03.2011)
«АвтоГазАлматы» ЖШС, Басқарма Төрағасы (07.06.2013 - 29.04.2016)
«Kazakhmys Maker» ЖШС, Басқарма Төрағасы (25.11.2016 - 01.08.2019)
Жеке компания (03.08.2020 - 24.06.2024)
2024 жылдың маусымынан ҚТЖ басқарма төрағасының орынбасары қызметінде.