В Атырау +1 
Бұрын әділет министрі болған Марат Бекетаев 9 жылға бас бостандығынан айыру жазасын алды.
Бұл туралы Сыбайлас жемқорлыққа қарсы қызметтің ресми өкілі Данияр Бекайдаров брифингте мәлімдеді.
Сот Бекетаевты алаяқтық, аса ірі көлемдегі ұрлық, сондай-ақ кәсіпкерлік қызметке заңсыз қатысу фактілері бойынша кінәлі деп тапты. Сот үкіміне сәйкес сотталғанның мүлкін тәркілеу шарасы қабылданды.
Ведомствоның мәліметінше, Бекетаев «айқын қажетсіз қызметтерді» көрсету үшін жыл сайын шарттар жасап, мемлекетке аса ірі көлемде зиян келтірген, әрі аффилиирленген компаниялардың мүддесін қорғаған.
Бекетаев 2023 жылғы қазан айында елден шығып кетпек болған сәтінде ұсталды. 2025 жылғы наурызда қылмыстық іске "құпия" деген белгі қойылып, материалдар толық жарияланбайды.
Марат Бекетаев 2016–2022 жылдар аралығында Қазақстанның Әділет министрі қызметін атқарды. Кейін 2022 жылдың соңына дейін премьер-министрдің кеңесшісі болды.