Көлеңкелі экономикамен күрес және цифрлық бақылау арқылы бюджет 1,28 трлн теңгеге толықты.

Парламент Мәжілісінде Үкіметтің 2024 жылғы республикалық бюджеттің атқарылуы туралы есебін талқылау кезінде Қаржы министрі Мәди Такиев кірістер бойынша жылдық жоспар 97,2%-ға орындалғанын, бюджетке 19,6 трлн теңге түскенін хабарлады.

Толықтыру көздерінің бірі көлеңкелі айналымды қысқарту және фискалдық бақылаудың цифрлық құралдарын енгізу жөніндегі шаралар болды.

«2024 жылы экономикадағы көлеңкелі айналымды қысқарту, оның ішінде фискалдық әкімшілендіруді цифрландыру жұмыстары жалғасуда, осы арқылы бюджетке қосымша 1 трлн 280 млрд теңге түсті. 2023 жылмен салыстырғанда 349 млрд теңгеге немесе 37%-ға көбейді», —деп атап өтті ведомство басшысы.

Оның айтуынша, шамамен 377 млрд теңге тексеру актілері бойынша салықтар қоса есептеліп, камералдық бақылау қорытындысы бойынша, бюджетке 262 млрд теңге өндіріп алынды.