В Атырау 0 
2023 жылғы 1 шілдеден бастап АХАТ органдары «Азаматтарға арналған үкімет» мемлекеттік корпорациясы» ҰАҚ-ның қарамағына беріліп, соған байланысты мемлекеттік мекеме таратылған.
Актөбе қаласының Азаматтық хал актілерін тіркеу бөлімімен (АХАТ) еңбек қатынасында болған 4 талап қоюшы жұмыстан босатылған кезде Қазақстан Республикасының «Мемлекеттік қызмет туралы» Заңында көзделген 4 айлық орташа жалақы мөлшерінде өтемақы алмаған. Өз құқықтарын қорғау үшін олар сотқа жүгінген, сондай-ақ моральдық зиянды өндіруді талап еткен.
Бірінші сатыдағы сот талап қоюшылардың пайдасына шешім шығарған. Алайда, апелляциялық алқа бұл шешімнің күшін жойған.
Істі қараған Жоғарғы Сот мемлекеттік органдар таратылған жағдайда қызметкерлердің құқықтарының мүлтіксіз сақталуы және жұмыс берушінің еңбек заңнамасы нормаларын орындауға жауапкершілігі қажеттігін ерекше атап өтті.
Кассациялық сатының қорытындысы тарату комиссиясы Азаматтық кодекске сәйкес, заңды тұлғаның кредиторларын анықтап, оларды тарату туралы хабардар ету шараларын қабылдамағанына негізделген.
Жоғарғы Соттың азаматтық істер жөніндегі сот алқасы апелляция қаулысын жойып, АХАТ таратылған кезде жұмыстан босатылған мемлекеттік қызметшілердің пайдасына шығарылған сот шешімін күшінде қалдырды.