В Атырау -4 
Израиль армиясы әскери операция аясында шабуылдарды күшейтіп, тұрғындарға бірнеше ауданды тастап, эксклавтың батысына қарай көшуге бұйрық берді. Бұл туралы Израиль армиясының ресми өкілі Авихай Адраи X әлеуметтік желісінде хабарлады, деп жазды АА.
Жарияланған картаға сәйкес, эвакуацияға екі қаланың бес тұрғын ауданы жатады: Эль-Ататра, Джебалия эль-Балад, Шуджайя, Эд-Дередж және Эз-Зейтун. Армия бұл аймақтарда әскери әрекеттерді кеңейтіп, күшейтуді жоспарлап отыр.
Адраи палестиналықтарды аталған аудандарды дереу тастап, батысқа қарай көшуге шақырды.
Бұған дейін Израиль әскері «Гидеон арбалары» деп аталатын жердегі операцияны бастағанын жариялаған болатын. Оның мақсаты – Газаны толық және тұрақты түрде оккупациялау. Бұл жоспарға сәйкес, палестиналықтар эксклавтың оңтүстігіндегі «жинақтау лагерлеріне» күштеп көшірілуі тиіс.
Өткен аптада Израильдің бұқаралық ақпарат құралдары армияның екі ай ішінде Газа секторының 75%-ын бақылауға алуды жоспарлап отырғанын хабарлады.