В Атырау +4 
Армения Қорғаныс министрлігінің мәлімдеуінше, Әзірбайжан әскері Сюник облысындағы Хознавар бағытында оқ атқан. Нәтижесінде бір тұрғын үй зақымданған, бірақ зардап шеккендер жоқ.
Министрлік Әзірбайжан тарапын оқиғаға қатысты тергеу жүргізуге және ресми түсініктеме беруге шақырды.
Наурыз айында Армения мен Әзірбайжан бейбіт келісімнің 17 тармағының соңғы екі даулы пункті бойынша келісімге келгенін мәлімдеді. Ереван құжатты талқылауға дайын екенін айтса, Баку оны бекіту үшін қосымша екі талап қойды:
- Минск тобының таратылуы (ОБСЕ-нің бұл құрылымы 2022 жылдан кейін жұмысын тоқтатқан);
- Армения Конституциясын өзгерту, премьер-министр Никол Пашинян осыған дайын екенін мәлімдеді.
29 мамыр, 13:00