В Атырау -2 
Атырау облысының полиция қызметкерлері есірткі заттарын таратумен айналысты деген күдікпен 37 жастағы Индер ауданының тұрғынын ұстады.
Атырау облысы ПД есірткі қылмысына қарсы іс-қимыл басқармасының қызметкерлері қала аумағында жедел іздестіру іс-шараларын жүргізді. Күдіктінің жеке басын тінту кезінде 100 дана оралған ақ түсті ұнтақ тәріздес заттар анықталды. Оның салмағы 1 келіден асатын синтетикалық есірткі заты екені белгілі болды.
Қылмыстық іс қозғалып, күдікті қамауға алынды. Кешенді тергеу амалдары жүргізілуде. Өзге ақпарат тергеу мүддесіне сәйкес жариялауға жатпайды.
27 мамыр, 12:54